किल्लारी : साठ वर्षांच्या वृद्धाकडून एका पाच वर्षांच्या चिमुकलीवर लैंगिक अत्याचार केल्याची घटना औसा तालुक्यातील निलंगारोडवरील गावात रविवार दि. ११ जून रोजी दुपारी ३ वा सुमारास घडल्याने एकच खळबळ उडाली आहे.
साठ वर्षाच्या वृध्दाने पाच वर्षाच्या मुलीवर चाँकलेटचे आमिष दाखवून तिचे कपडे अर्धवट काढून लैगिक छळ करून बलात्कार करण्याचा प्रयत्न केल्याने येथील पोलिस स्टेशनला सदर वृध्दाविरोधात तक्रार दाखल करण्यात आली आहे. आरोपी याने पाच वर्षाच्या मुलीस चिल्लर पैसे देऊन तुला चॉकलेट घेऊन देतो म्हणून तिला हाताला धरुन गल्लीतील दुकाने घेऊन जाऊन तिला चाँकलेट घेऊन दिले त्या नंतर गावातील आंगणवाडीच्या पाठीमागे घेऊन जाऊन चिमुकलीवर अत्याचार करण्याचा प्रयत्न केला.
यावरून किल्लारी पोलिस स्टेशनला गुन्हा १४४ /२४ कलम २५४ भादंवि सहकलम ८, १२ बाल लैगिक अत्याचार प्रतिबंध कायद्याप्रमाणे गुन्हा दाखल केला आहे. दरम्यान सपोनि नानासाहेब लिंगे यांच्या मार्गदर्शनाखाली पोलिस उपनिरिक्षक प्रशांत राजपुत पुढील तपास करत आहेत.
Discussion about this post