छत्रपती संभाजीनगर, दि.१६ : डॉ.बाबासाहेब आंबेडकर मराठवाडा विद्यापीठाच्यावतीने आगामी शेक्षणिक वर्षात प्रवेश प्रक्रिया ते परीक्षा, निकालापर्यंत अॅकडमिक कॅलेंडरचे तंतोतंत पालन करण्यात येईल, असे मा.कुलगुरु डॉ.विजय फुलारी यांनी विद्यापरिषदेच्या बैठकीत घोषित केले. सन २०२६-२०२७ या शैक्षणिक वर्षात युवक महोत्सव, लोककला महोत्सव, आविष्कार स्पर्धा, दीक्षांत समारंभ या सर्वांचे वेळापत्रक घोषित करण्यात आले आहे.
विद्या परिषद बैठक मा.कुलगुरु डॉ.विजय फुलारी यांच्या अध्यक्षतेखाली सोमवारी (दि.१६) महात्मा फुुले सभागृहात झाली. बैठकीस प्रकुलगुरु डॉ.वाल्मिक सरवदे, कुलसचिव डॉ.प्रशांत अमृतकर यांच्यासह चारही विद्याशाखांचे अधिष्ठाता, विद्या परिषदेचे ४८ सदस्य उपस्थित होते. सकाळी ११ ते १ वेळेत झालेल्या बैठकीत २० विषायावर चर्चा होऊन मान्यता देण्यात आली. शैक्षणिक वेळापत्रक व पुढील वर्षातील सर्व स्पर्धा, कार्यक्रमांच्या नियोजनासाठी ’अॅकडमिक कॅलेंडर-२०२६-२७’ घोषित करण्यात आले. यानूसार नवीन सत्र १५ जून २०२६ रोजी सुरु होईल. ३१ जुलैपर्यंत पदवी व पदव्यूत्तर अभ्यासक्रमांची प्रवेशप्रक्रिया पूर्ण करण्यात येईल. २९ व ३० रोजी ’आविष्कार’ स्पर्धा होईल. तर ५ ते ८ ऑक्टोबर दरम्यान केंद्रीय युवक महोत्सव घेण्यात येणार आहे. ऑक्टोबर महिन्यात दीक्षांत समारंभ होईल. तर २१ ऑक्टोबर ते १५ डिसेंबर दरम्यान प्रथम सत्र परीक्षा होणार आहेत. १६ डिसेंबर रोजी द्वितीय सत्र सुरु होईल. नामविस्तार दिनापुर्वी १२ व १३ जानेवारी रोजी दुसरा लोककला महोत्सव घेण्यात येणार आहे. ९ एप्रिल ते १९ मे २०२७ या काळात वार्षिक परीक्षा घेण्यात येणार आहेत. या प्रमाणे हे नवीन वेळापत्रक असणार आहे.
बैठकीत मान्यता देण्यात आलेले महत्वपूर्ण विषय पुढील प्रमाणे:
१.मानसशास्त्र विभागात डिप्लोमा आणि एम.ए (रिहॅबिलेशन सायकॉलॉजी) व क्लिनिक्ल सायकॉलॉजी या विषयाचे नवीन अभ्यासक्रम सुरु करण्यात येणार आहेत.
२.संगणकशास्त्र विभागात डीएमएलटी, डीएमआयटी हे दोन नवीन अभ्यासक्रम सुरु करण्यात येणार आहेत. तसेच याच विभागात ’फाऊंडेशन कोर्स इन आर्टिकिशियल इंटेलिजन्स’ फॉर ’डिफेन्स ऑक्पिकेशन’ हा अभ्यासक्रमही सुरु करण्यात येणार आहे.
३.दीनदयाल उपाध्याय कौशल्य केंद्र डिडियुके विद्यापीठ परिसर आणि कमलनयन बजाज हॉस्पीटल, यांच्या सयुक्त विद्यमाने बी.एस्सी (ऑनर्स) मेडिकल इमेजिंग अॅण्ड रेडिऑलॉजी टेक्नॉलॉजी हा नविन अभ्यासक्रम शैक्षणिक वर्ष २०२६-२७ पासून सुरु करण्यात येणार आहे.
४.वसंतराव नाईक शिक्षण प्रसारक मंडळ संचलित वसंतराव नाईक महाविद्यालय या महाविद्यालयास विद्यापीठ अनुदान आयोगाने ०३ मार्च २०२६ रोजीच्या पत्रान्वये संबंधीत महाविद्यालयास शैक्षणिक वर्ष २०२६-२७ ते २०३०-३१ या कालावधी साठी स्वायत्त दर्जा प्रदान केल्यामुळे महाविद्यालयास स्वायत्त दर्जा प्रदान करण्यास मान्यता देण्यात आली.
या बैठकीसाठी उपकुलसचिव डॉ.संजय कवडे, डॉ.गणेश मंझा, जयश्री कांबळे, डॉ.कैलास त्रिभूवन आदींनी प्रयत्न केले.