आज सकाळपासूनच बीड शहराने जिल्ह्यात सर्वत्र उत्साहात मतदानाला सुरुवात झाली असून मतदारांचा हा उत्साह पाहता जिल्ह्यात मतदानाची टक्केवारी वाढण्याची शक्यता वर्तवण्यात येत आहे दरम्यान रविवार दि. 5 मे पासून सुरू झालेले टपाली मतदान कालपर्यंत 1851 इतक्या नागरिकांनी मतदानाचा हक्क बजावला. याअंतर्गत सुविधा केंद्रातून पोस्टल बॅलेटद्वारे 80 मतदारांनी मतदान केले.
अपर जिल्हाधिकारी कार्यालयात उभारण्यात आलेल्या सुविधा केंद्रात 9, गेवराई 13, माजलगाव 12, बीड विधानसभा मतदारसंघातील सुविधा केंद्रात 8, केज 36, परळी विधानसभा मतदारसंघात 2 असे एकूण 80 नागरिकांनी मतदानाचा हक्क बजावला. आजपर्यंत 1851 मतदारांनी मतदान केले.
उपलब्ध केलेल्या सुविधा केंद्रांच्या माध्यमातुन आजपर्यंत 1354 मतदारांनी, गृह मतदानाअंतर्गत 356 मतदारांनी यामध्ये 309 मतदार हे 85 वयोगटाच्या वरचे होते. आणि दिव्यांग 47 असे एकुण 356 मतदारांनी, तसेच सर्व्हिस मतदार या श्रेणीत 141 मतदारांनी आपला मतदानाचा हक्क बजावलेला आहे.