डॉ. बाबासाहेब आंबेडकर मराठवाडा विद्यापीठ सेंट्रल ट्रेनिंग व प्लेसमेंट सेल जिल्हा कौशल्य विकास, रोजगार व उद्योजकता मार्गदर्शन केंद्र
सी. आय. आय.
- छत्रपती संभाजीनगर, दि. ९; डॉ.बाबासाहेब आंबेडकर मराठवाडा विद्यापीठात येत्या बुधवारी (दि.११) मेगा जॉब हेअर चे आयोजन करण्यात आली आहे, अशी माहिती संयोजक डॉ .गिरीश काळे यांनी दिली.
सेंट्रल ट्रेनिंग व प्लेसमेंट सेल, जिल्हा कौशल्य विकास, रोजगार व उद्योजकता मार्गदर्शन केंद्र , सी. आय. आय. तसेच मॅनयुनायटेड यांच्या संयुक्त विद्यमाने “मेगा जॉब फेअर फेब्रुवारी २०२६ ” चे आयोजन ११ फेब्रुवारी २०२६ रोजी विद्यापीठातील नाट्यगृहात करण्यात आले आहे.
छत्रपती संभाजीनगर, पुणे आणि मुंबई येथील नामांकित कंपन्या या जॉब फेअर मध्ये सहभागी होणार असून विविध पदविका, पदवी तसेच पद्व्योत्तर शिक्षण घेतलेल्या विद्यार्थ्यांकरिता या जॉब फेअर मध्ये नौकरीच्या संधी उपलब्ध करून देण्यात आल्या आहेत. प्रामुख्याने छत्रपती संभाजीनगर येथील टोयोटा किर्लोसकर मोटर, अथर एनर्जी, पर्किन्स इंडिया, ऋचा इंजिनिअर्स, मेडी-रिक्रुटर्स, कल्याण ज्वेलर्स, कॉस्मो फिल्म्स, क्लॅड मेटल इंडिया , बागला गृप ऑफ इंडस्ट्रीस, एस एस कंट्रोल, मेटलमॅन ऑटो, एल. आय. सी., इंस्टर इंडिया प्रायव्हेट लिमिटेड, एक्सीडी इंडिया लि., शॉपर्स स्टॉप प्रा. ली. (प्रोझोन), ज्ञानदीप फाउंडेशन सेंटर, एन्ड्युरन्स टेक्नॉलॉजी प्रा. ली., या प्रख्यात कंपन्या तसेच इतरही काही आशा पंचेचाळीस (४५) कंपन्या १५०० रोजगार संधी सहित सहभागी होणार आहेत .
११फेब्रुवारी रोजी सकाळी ९ वाजेपासून नाव नोंदणी सुरु करण्यात येणार आहे. प्रथम येणाऱ्यास प्राधान्य या तत्वावर मुलाखती घेतल्या जातील. या संदर्भातली कंपन्यांची व रिक्त पदांची सर्व माहिती विद्यापीठाच्या वेब साईट वरील ट्रेनिंग व प्लेसमेंट सेल च्या लिंक देण्यात अली आहे. विद्यार्थ्यांनी ११ फेब्रुवारी २०२६ रोजी सकाळी ठीक ९ वाजेपासून विद्यापीठातील सेंट्रल ऑडिटोरियम येथे मुलाखतीसाठी किमान पाच बायो डेटा च्या प्रति घेऊन उपस्थित राहावे असे आवाहन विद्यापीठाचे ट्रेनिंग व प्लेसमेंट अधिकारी डॉ. गिरीश काळे, जिल्हा कौशल्य विकास, रोजगार व उद्योजकता मार्गदर्शन केंद्र येथील सहाय्यक आयुक्त राजू वाकुडे मॅनयुनायटेड कोर्पोरेटचे रवींद्र कंगराळकर यांनी केले आहे.