नंदुरबार: नव्या दोन गाड्यांमध्ये दबला गेल्याने शोरूममधील सफाई कामगाराचा मृत्यू झाल्याची धक्कादायक घटना घडली आहे. या अपघाताची घटना शोरूमधल्या सीसीटीव्ही कॅमेऱ्यात कैद झाली आहे. नंदुरबार शहरातील टाटा मोटर्स कंपनीच्या शोरूममध्ये ही धक्कादायक घटना घडली आहे. याप्रकरणी एकाविरुध्द नंदुरबार शहर पोलिस ठाण्यात गुन्हा दाखल करण्यात आला आहे.
शहरातील कोकणीहील साईबाबा नगरात राहणारे मयत जितेंद्र वसंत शिरसाठ (वय ४२) हे टाटा मोटर्स (उज्वल मोटार्स) कंपनीत सफाई कामगार म्हणुन कामाला होते. नवीन गाड्यांची साफसफाई करण्याचे काम जितेंद्र शिरसाठ हे करीत असताना झालेल्या अपघातात त्यांचा मृत्यू झाला आहे.
नवीन विक्रीसाठी असलेली गाडी दिपक इंद्रसिंग राजपूत याने वेगात चालवून कामगार जितेंद्र यांना जोरदार धडक दिली. अपघातात दोन गाड्यांमध्ये दबले गेल्याने जावून जितेंद्र वसंत शिरसाठ गंभीर जखमी होवून त्यांचा मृत्यू झाला. गाडीचालक दिपक इंद्रसिंग राजपूत (रा.लक्ष्मीनगर, नंदुरबार) याच्याविरुध्द गुन्हा दाखल करण्यात आला आहे.
Discussion about this post