आज होत असलेल्या मतदानात महाराष्ट्रातील एकूण अकरा जागांचा समावेश असून त्यात नंदूरबार, जळगाव, रावेर, जालना, छत्रपती संभाजीनगर, मावळ, पुणे, शिरुर, नगर, शिर्डी आणि बीड अशा ११ जागांवर मतदान होणार आहे. त्यातील काही महत्वाच्या लढतीं
बीड – पंकजा मुंडे विरुद्ध सोनावणे : बीड लोकसभा मतदार संघाकडे सर्वांचे 98 lलक्ष लागले आहे. भाजपने प्रीतम मुंडे यांचे तिकीट कापून यंदा पंकजा मुंडे यांना संधी दिली. राष्ट्रवादी शरद पवार गटाचे बजरंग सोनावणे यांच्याशी त्यांची लढत होणार आहे. मराठा आरक्षणावरून बीड मतदार संघाची निवडणूक चुरशीची झाली आहे. बीडमध्ये मराठा विरुध्द ओबीसी अशी विभागणी झाली
शिरुर – कोल्हे विरुद्ध आढळराव : बारामतीनंतर शरद पवार यांच्यासाठी शिरुर मतदार संघाची निवडणूक महत्वाची आहे. खासदार अमोल कोल्हे यांच्याविरोधात शिवाजीराव आढळराव पाटील गेल्या पराभवाचा वचपा काढणार का? हे कळणार आहे. त्यामुळे ही लढत आता पवार काका विरुद्ध पुतण्या यांच्या प्रतिष्ठेची झालेली आहे.
संभाजीनगर – भुमरे-खैरे आणि जलील : छत्रपती संभाजीनगर (औरंगाबाद) हा मतदार संघ शिवसेनेचा बाले किल्ला म्हटला जात होता. २०१९ मध्ये येथून शिवसेनेचे चंद्रकांत खैरे यांचा इम्तियाज जलील यांनी अवघ्या ४,५०० इतक्या मतांनी पराभव केला. यंदा शिवसेना ठाकरे गटाचे चंद्रकांत खैरे आणि महायुतीकडून शिंदे गटाचे पैठणचे आमदार संदिपान भुमरे यांना उतरविले आहे. वंचितचे अफसर खान, खासदार इम्तियाज जलील तसेच अपक्ष हर्षवर्धन जाधव हे देखील मैदानात आहेत
रावेर- रक्षा खडसे विरुद्ध श्रीराम पाटील : रावेर लोकसभा मतदार संघातून भाजपने एकनाथ खडसे यांची सून रक्षा खडसे यांना उमेदवारी दिली. त्यांच्या विरोधात शरद पवार गटाचे श्रीराम पाटील रिंगणात आहेत. एकनाथ खडसे यांनी भाजपमध्ये अजून अधिकृत प्रवेश केलेला नाही. तथापि, एकनाथ खडसे यांनी आपल्या सूनबाईचा प्रचार सुरु केला आहे.