चिंचोलीमाळीत संत जनाबाईंंचे मंदिर


बीड (प्रतिनिधी) : केज तालुक्यातील चिंचोली ( माळी ) येथे श्रीसंत जनाबाईंचे गंगाखेड नंतर महाराष्ट्रातील ५७ फुट उंचीचे दुसरे मंदिर उभारण्यात आले आहे . मंदिरात शुक्रवारी ( दि.१६) विविध महंत व महाराज मंडळींच्या उपस्थितीत मुर्तीची प्राणप्रतिष्ठा करण्यात येणार असून या निमित्ताने बुधवार पासून तीन दिवस विविध कार्यक्रमाचे आयोजन केले आहे .
केज तालुक्यातील चिंचोली ( माळी ) येथील ग्रामदैवत श्रीसंत नामदेव महाराज यांच्या प्रेरणेतून मातंग समाजाचे लोक गेल्या १२५ वर्षापासून अखंडपणे हरिनाम सप्ताहाची धार्मिक परंपरा जोपासत होते . त्याठिकाणी मंदिर नसल्याने समाज मंदिरात दरवर्षी हा धार्मिक कार्यक्रम होत असे मागील काही वर्षापासून या कार्यक्रमासाठी येणा-या महाराज मंडळींनी याठिकाणी मंदिर उभारण्याचे सूचित करीत असत . त्यामुळे यावर्षी शतकोत्तर रौप्य महोत्सव सोहळा मंदिराची उभारणी करून साजरा करण्याचा निश्चय गतवर्षीच्या कार्यक्रमात केला होता.त्यानंतर ग्रामस्थ व विविध श्रेत्रातील मान्यवरांनी देणगी रुपी केलेल्या सहकार्यातून मंदिर उभारणीस सुरुवात झाली . यासाठी राजकीय क्षेत्रातील नामवंतांनी ही भरभरून सहकार्य केल्याने आवघ्या सहा महिन्याच्या काळात ५७ फुट उंचीच्या संत जनाबाईंच्या मंदिराची उभारणी पूर्ण झाली . मंदिर उभारणीसाठी हभप सुनिल महाराज गालफाडे यांच्यासह समाजातील तरुणांनी पुढाकार घेतला .
मूर्ती प्राणप्रतिष्ठा निमित्ताने बुधवारी गावातून मूर्तीची मिरवणूक काढून महायज्ञाला सुरुवात होणार आहे . मंदिरात शुक्रवारी ( दि.१६) संत जनाबाईंच्या मुर्तींची प्राणप्रतिष्ठा लाडेवडगावच्या वेदांत साधना स्थली गुरुकुलचे परमपुज्य स्वामी भारतानंदजी स्वामी यांच्या हस्ते व महाराष्ट्रातील नामवंत महंत व महाराज मंडळींच्या उपस्थितीत संत जनाबाईंच्या मुर्तींची प्राणप्रतिष्ठा केली जाणार आहे . त्यानंतर आचार्य अर्जुन महाराज लाड गुरुजी यांचे काल्याचे किर्तन व महाप्रसाद वाटपाने या कार्यक्रमाची सांगता होणार आहे. बुधवारी रात्री हभप शारदाताई महाराज आळंदीकर यांचे व गुरुवारी रात्री संदीपान महाराज हासेगावकर यांचे किर्तन होणार आहे. तरी या कार्यक्रमास भावीकांनी मोठ्या संख्येने उपस्थित राहावे असे आवाहन हभप सुनिल महाराज गालफाडे व ग्रामस्थांनी केले आहे .
जात्यावर दळतानाची
विठ्ठल-जनाबाईची मूर्ती
या मंदिरात विठ्ठलासोबतची जनाबाईची मूर्ती बसविण्यात येणार आहे . कंबरेवर हात ठेऊन उभा असलेली विठ्ठलाची मुर्ती पाहण्यास मिळते . मात्र या मंदिरात बसविण्यात येत असलेली मुर्ती बसलेल्या अवस्थेत असुन विठ्ठल श्रीसंत जनाबाई सोबत जात्यावर दळण दळत आहे.




comments
Leave a reply

आपली प्रतिक्रिया थोड्यावेळाने वेबसाइटवर दिसणार आहे. कृपया प्रतिक्रिया व्यक्त करताना आक्षेपार्ह शब्दाचा वापर करू नये. आक्षेपार्ह शब्दाचा वापर केला असेल तर अश्या प्रतिक्रिया वेबसाइटवर दिसणार नाहीत याची नोंद घ्यावी.

Your E-mail ID not be published. Required *. मराठी/इंग्रजी साठी [CTRL + G] बटन वापरा

anti spam
(Maximum characters: 500)
characters left.

Required fields are marked (*)